其實本來都冇咩特別嘢想講，但係睇完細佬個entry之後，又令我諗咗好多……所以都係決定以我認知分享一下我對目前形勢理解，希望對隊友同對自己都有啲啟發，同埋希望能夠從今朝無心工作情緒回復過來。 雖然我都唔係啲咩好有經驗球員，但係細佬提及過問題，大部份我都經歷過，亦都令我覺得你哋好似走緊以前我行過路。其實細佬個entry裡面所描述問題，可能正正就係而家某部份華青人所面對問題。首先華青由甲二升上甲一，名義上係全港最頂級聯賽。隊友除咗要積極備戰，喺心理上每個球員其實都會為自己做一個定位。若果呢一個定位定得有少許偏差，再加上聯賽裡面又遇到一啲挫折，球員心態少不免會受到動搖，亦會開始懷疑自己實力，懷疑隊友實力，甚至乎會重新思考排球為何物，自己點解要打排球等等問題。呢個應該係正常反應，亦都係人生必經階段，我自己year 1開始打校隊時候，同埋year 2開始打青龍時候亦都思索過呢一類問題。 再實際啲，隊友一定會諗華青點樣先可以配合得好啲，技術、節奏、心態等等。其實呢啲問題我覺得並唔係諗完就會諗到答案，而係確實需要時間去磨合。隊友真係要俾啲心機，俾啲耐性去摸索，切忌因為喺甲一初試啼聲效果未如理想就立刻懷疑。其實華青唔係真係配合唔到，只係以前未試過真正考驗，而今年有啲自亂陣腳。 事實上，我真係相信有啲隊友係知道自己邊一部份出現毛病，包括細佬。明知自己喺一個發揮唔到水準同埋存在價值惡性循環裡面，但又唔係講咁容易就行得返出嚟。的而且確，呢個樽頸位係好難突破。但係正如尤魚以前同我講，甲一係難打，但係就係因為難打先好玩！你玩第一次，輸，就梗係難受；贏，就梗係開心。如果我哋贏到德明同仁濟，我相信華青人一定會覺得好好玩，可以爭頭四。但係我哋又點能夠第一次玩就要求自己一定會贏呢？就係今次輸咗，你下次贏佢先至會更加開心。開唔開心，就係睇你點樣為自己定位，點樣為自己發展而鋪路。如果我哋選擇咗介意自己打失波，介意完之後又繼續放大自己失誤，咁樣除咗唔開心之外，亦會妨礙自己發展。當然，我都係相信咁多位隊友都明白呢啲所謂道理，但係道理嘢知易行難。行唔行到呢一步，就交俾大家喇。千祈唔好咁快就諗自己係咪鍾意打排球，排球適唔適合自己。我仲記得中五時候，我同吳錦慈講我唔打南華會，我唔適合打排球。真係好慶幸我今日仲可以留喺排球界。 仲有一樣嘢想講，有時我哋打波，未必需要好多理由。打完呢個聯賽之後我都冇諗過啲乜嘢，只係專心諗吓點樣可以再進步，因為喺唔同範疇進步亦都係我打排球樂趣來源之一。細佬提及過原因，可能我幾年前已經諗過晒，我相信幾年後華青隊友們都可能好似我咁已經唔需要再諗咁多。因為，喺你人生裡面有一種興趣俾你持續去奮鬥，俾到你寄託，就已經足夠。冇咗排球，可能你就會覺得好空虛。 最後，回應埋光傑一點。光傑成日同我哋分享佢poly排球生活，準備大專決賽經過。雖然大專學生同我哋某啲返咗工人生活時間表好唔同，大專賽事同甲一聯賽性質亦都好難就咁比較，但係我哋亦不妨先為自己定立一個目標(例如我短期目標係改良手腕動作，中期目標唔再打失修正球)，然後再一步一步令自己提升。咁樣一來提升過程都會開心，二來好清晰知道自己對自己要求係點，唔會要求過高，唔洗唔知道點樣先為之打得好，三來為自己做咗適當定位之後又唔洗後悔自己唔夠盡力或者介意自己打失。我知道有部份球員絕對唔係好有火球員，包括有時候我。冇火唔high唔緊要，我覺得亦都唔需要扮high，不過就算冇火，都起碼要表達俾隊友聽自己想點，要俾多啲鼓勵。同時，俾多啲戰意，抱住挑戰對手心態，就容易啲令自己natural high。 以上只係個人分享，冇教訓成份。大家都係平輩，歡迎討論。我講咗以上嘢，就預咗有人會回應，無論正面定反面。因為人係群居動物，冇可能獨善其身。為自己同時，亦都要為華青出力。 | 
